Uitskrop

Die fenomeen is terug met hul eerste album in 40 jaar … Björn, Agnetha, Anni-Frid en Benny.

 Daar is altyd nog ABBA!

 deur Anna-Retha Bouwer

ABBA is terug, maar was hul ooit werklik weg?

Dit is presies 40 jaar sedert hul laaste album met nuwe materiaal, The Visitors, in 1981 die lig gesien het, maar die kwartet se gewildheid het volgens die jongste aanduidings nooit getaan nie.

Die groep het pas twee snitte, “I Still Have Faith In You” en “Don’t Shut Me Down”, uitgereik – en die wêreld juig. Die nuwe snitte is onteenseglik suiwer ABBA, en daar is min tot geen moeite gedoen om af te wyk van ‘n suksesresep wat al sedert 1972 soos ʼn bom gewerk het nie. Die nuwe liedjies vorm deel van die nuwe album Voyage met tien nuwe liedjies wat op 5 November 2021 uitgereik word.

Ander immergroen kunstenaars soos Madonna, Kylie Minogue, J-Lo voel dalk die druk om by te bly met die tye en ten alle koste nie skuldig te wees aan die onvergeeflike sonde van verouder nie. Maar ABBA borduur rustig voort op ʼn ou kleed.

En daar is geen rede om daarvan af te wyk nie, veral nie in 2021 nie. Die musiek is heilsaam soos tuisgebakte brood en toffie-appels en herinner ʼn mens aan ʼn era toe ʼn goeie “hook” en ‘n onthoubare melodie genoeg was. Onvolmaakte tande en ʼn ekstra bultjie op die heup was in die lewe voor Instagram géén rede om dit nie ʼn wit katpak te waag nie …

Waar die groep – hulle is almal nou aan die verkeerde kant van 70 jaar – wel aan die voorpunt van nuwe neigings staan, is die virtuele konsert wat vir Mei volgende jaar in Londen beplan word.

Vir die konsert word hologramme (ABBAtars!) van die viertal met bewegingsensor-tegnologie en spesiale effekte geskep sodat die kyker die “jong” ABBA sal sien optree, al is dit die ouer ABBA wat sing.

ABBA het pas ʼn foto uitgereik waarop hulle die sensorpakke dra. Die enigste nadeel is glo dat die manne hulle baarde moes afskeer!

ABBA se terugkeer gaan niks in ons omgekeerde wêreld omkeer nie, maar hulle terugkeer kom op ʼn goeie tyd om ons almal daaraan te herinner dat nie alles vir altyd verander het of verlore is nie.

skropwerf@gmail.com

Stede wat brand

Die Britse dramaturg Michael Frayn se gekiedkundige drama Copenhagen werp lig op die verwoesting van die Tweede Wêreldoorlog. Aan die woord is die Duitse fisikus Werner Heisenberg.

You never had the slightest conception of what happens when bombs are dropped on cities. Even conventional bombs. None of you ever experienced it. Not a single one of you. I walked back from the centre of Berlin to the suburbs one night, after one of the big raids. No transport moving, of course. The whole city on fire. Even the puddles in the streets are burning. They’re puddles of molten phosphorus. It gets on your shoes like some incandescent dog-muck – I have to keep scraping it off – as if the streets have been fouled by the hounds of hell. It would have made you laugh – my shoes keep bursting into flame. All around me, I suppose, there are people trapped, people in various stages of burning to death. How will I ever get hold of another pair of hoes in times like these? Heisenberg

Copenhagen, a play by Michael Frayn, Methuen Drama, 1998

SKROP is ‘n aanlyn-publikasie oor goeie boeke, vermaak, kuns en kos.

Wie is ons

Redakteur Johannesburg:
Schalk Schoombie
Redakteur Boeke:
Riana Wilkens
Redakteur Uiteet:
Kobus Burger
Redakteur Vermaak:
Paul Boekkooi
Redakteur Kuns:
Johan Myburg
Redakteur Kaapstad:
Mariana Malan
Webbladontwerp:
Marselé Prinsloo
Kunstenaar:
Alisa Rebel

COVID-19 Corona Virus South African Resource Portal

Emergency Hotline:
0800 029 999

WhatsApp Support Line:
0600 123456

Die volgende oggend sit ek en Agnes met ons bekers koffie voor die sitkamervenster. Ons staar na die sneeu, ‘n landskap van ys en stilte, glansend en silweragtig. Vlokke sneeu daal af grond toe, asof in ‘n vlugtige, dog nimmereindigende dans. Ons kyk hoe twee mossies onder die bloekomboom in die sneeu pik en krap. Ek gaan haal broodkrummels in die kombuis, maak die venster oop en gooi dit uit vir die voëls. Die mossies ontdek die krummels; skatte in ‘n wit woestyn.

Sneeu in die Karoo deur Jeanne Goosen, Hemel & See Boeke, 2021

Ek weet nie wanneer laas jy vuur gemaak het nie – maar vuur maak is moeite! Dalk sê ek dit bloot omdat ek nie baie van vuur maak hou nie, al hou ek wel baie van ’n vuur. Vriendelikheid is moeite. Vriendelikheid is, soos vuur, ’n vorm van krag. Jy moet sterk wees om vriendelik te wees.

100 dae van vriendelikheid: Gebruik die alledaagse om sagkens heel te maak deur Andries Cilliers, Lux Verbi, 2021

Lees nog aanhalings

Boeke

Riana Wilkens resenseer Hamnet deur Maggie O’Farrell en The Silence deur Don Delillo; Die beste vertaalde boeke

Voorstoep

Schalk Schoombie skryf oor vloekende gedigte en gesels met Hertzogpryswenner en digter Johan MyburgMercy Kannemeyer skryf oor Generasie Angstig: Millenniërs

Lees nou
Lees nou

In die begin

Openingsparagrawe

Vermaak

Kobus Burger resenseer die reeks The White LotusAnna-Retha Bouwer resenseer die dokkie 9/11 A Day in AmericaPaul Boekkooi resenseer die flieks Mr Johnson, Reminiscence en The Suicide Squad

Lees nou
Lees nou

Encore

Paul Boekkooi reseneer die KFO se eerste aanlyn-lentekonsertKobus Burger gesels met bekroonde radiovrou Renske Jacobs

Kuns

5 vrae aan die Rosendalse kunstenaar, Lein Smuts; Noami Morgan skryf oor Adelheid von Maltitz se uitstalling Site, Materiality and Loss; Johan Myburg skryf oor Willem Boshoff se uitstalling The Blind Alphabet – Letter B: Babery to Bigeminate

Lees nou
Lees nou

Kos

Maklike sosatiemarinade vir Braaidag; SJA de Villiers se pannekoekresep

Kortstories

Imali deur Jan Schaafsma; Skryf in vir ons nuwe kortstoriewedstrydDie nuwe begin.

Lees nou
Lees nou